कवर्धा। छत्तीसगढ़ प्रदेश के दसो दिसा ले बूढ़ादेव यात्रा निकाले जाही, ए यात्रा म जिला के भोरमदेव ले घलो एक रथ निकलही। छत्तीसगढ़िया क्रांति सेना छत्तीसगढ़ के संस्कृति, बोली,भासा अउ पुरखा मन ला मान सम्मान देवाय बर बुता करत हे। छत्तीसगढ़िया क्रांति सेना के मानना हे के छत्तीसगढ़ म हमर पुरखा ला नज़र अंदाज करे जात हे । ओहि मेर दुसर राज्य के पुरखा के नाम म चउक-चौराहा बनाय जात हे ।
छत्तीसगढ़िया छात्र क्रांति सेना के जिलाध्यक्ष श्री माखन चंद्रवंशी ह बताइस के बूढ़ादेव यात्रा ल छत्तीसगढ़ सहित कबीरधाम जिला के सब्बो गांव-गली ले बूढ़ादेव रथ निकलही अउ गांव के मुखिया के हाथ ले गांव के माटी सकेल के रईपुर बूढ़ा तरिया म स्थापना करे जाही।
छत्तीसगढ़िया समाज अपन अपन घर के देवता धामी पुरखा ला गांव के चउक-चौराहा, नदिया-तरिया सब्बो जगह स्थापित करे जाय जेखर ले हमर अवइया पीढ़ी छत्तीसगढ़ी संस्कृति अउ अपन पुरखा ल जान सकय।
%20(12).jpeg)
